ఈ పుట అచ్చుదిద్దబడ్డది
రేకు: 0190-3 మాళవి సంపుటం: 07-533
పల్లవి:
ఇంతసేతురటవే యీతని నేఁడు
వింతలు మామాటలివి వినవే వోచెలియా
చ.1:
పంతమాడుకొనరాదువ పతితోడ సతికిని
అంతరంగమెరిఁగిచ్చలాడుటగాని
దొంతులు వెట్టఁగరాదు తోడుతనే చలములు
కొంత వినయాన వంచుకొనవలెఁ గాని
చ.2:
వాసికిఁ బెనఁగరాదు వద్దనున్న నాయకుని
మోసలేక మెప్పించి మొక్కుటగాని
ఆసలు మానుపరాదు ఆయాలు సోఁకినవేళ
సేసవెట్టి తనివంద చెందవలెఁగాని
చ.3:
కాదుగూడదనరాదు కాఁగిట శ్రీ వెంకటేశు
నాదరించి సరసములాడుటగాని
పోదితోనాతఁడె నిన్ను భోగించె కడమలేదు
పాదుకొన్న తమకము పంచుకొంటగాని
