ఈ పుట అచ్చుదిద్దబడ్డది
రేకు: 0189-6 భైరవి సంపుటం: 07-530
పల్లవి:
వట్టి సిగ్గులిఁకనేల వద్దనున్నది
గట్టయాస నీపనులు కడపరాయ
చ.1:
ముంగిట నీకుపారము మోవితేనెలిటు చూపి
యెంగిలివలపుచల్లెనిదివో ఆకె
సింగారించుక చన్నులజిగి నీమొకముసేసి
అంగడివలపు చల్లెనదివో నీకు
చ.2:
కువాడానఁ జెప్పరాని గురుతు కన్నులఁ జెప్పి
నివాళివలపుచల్లె నీమీఁద నాకె
భవంతిమేడలో నిన్నుఁ బారితెంచి కాఁగలించి
దువాళివలపు చల్లె తొయ్యలి నీకు
చ.3:
పంతాన నీవు మెచ్చ వుపరిసురతముసేసి
దొంతవలపుచల్లె దొరసి యాపె
యింతలో శ్రీ వెంకటాద్రినెనసితివిటు నన్ను
బంతివలపులుచల్లె పయిపయి నీకు