ఈ పుట అచ్చుదిద్దబడ్డది
రేకు: 0189-5 దేసాళం సంపుటం: 07-529
పల్లవి:
ఎందరికిని వుత్తరమిచ్చేవు నీవు
సందడించి వొక్కమాటె చల్లేరు సరసము
చ.1:
చెంతలనుండి నీవు సెలవుస నవ్వఁగాను
కాంత నీమొగముచూచి కన్నులార్చీని
వింతలు మీచేఁతలెల్లా వెలఁదులు చూచి తాము
దొంతిఁబెట్టి వలపులు తోడురేఁచుకొనిరి
చ.2:
పలుమారు నీమీఁదిపాటలు నీవు వాడఁగ
వెలఁది వీనుల విని వెరగందీని
కొలువువారెల్ల మీగురుతులు చూచి తాము
చలపట్టి అందరును చవిరేఁచుకొనిరి
చ.3:
శ్రీ వెంకటేశ రతికి చేతులు నీవు చాఁచఁగ
కావించి నిన్నునదిమీ కాంతచన్నుల
వోపరిలోనుండఁగాను వూడిగాలవారెల్ల
సేవలుచేసి మొక్కి చిమ్మిరేఁచుకొనిరి