ఈ పుట అచ్చుదిద్దబడ్డది
రేకు: 0109-4 సామంతం సంపుటం: 07-052
పల్లవి:
ఎగ్గు సిగ్గు దలఁచవు యేరా నీవు
వొగ్గుచు నిద్దరు సతులొద్దనె వుండఁగను
చ.1:
కొనవేలు వట్టి యాకెఁ గూచుండఁబెట్టుకోఁగా
తనువిందువంకఁ గొంత తనిసెనా
పెనఁగి పాదాలు నాచేఁ బిసికించుకొనేవిదె
వనిత నీవద్దనుండి వలపు చల్లఁగను
చ.2:
అప్పుడే వీఁపునం జన్నులానుకొంటా నాపెచేత
కొప్పు వెట్టించుకొనేవు కోరికాయనా
యిప్పుడే నాచెక్కు మోవనేకతములాడేవు
చిక్కించుక సతి నీపైఁ జేతులు చాఁచఁగను
చ.3:
సంగతిగా నాపె తోడ జాణతనాలాడేవు
అంగవించి నేఁడు నీకు నాసవుట్టెనా
ముంగిట శ్రీ వేంకటేశ ముంచి నన్నుఁ గూడితివి
కంగక మగువ నీకుఁ గాచుకవుండఁగను