ఈ పుట అచ్చుదిద్దబడ్డది
రేకు: 0189-2 ముఖారి సంపుటం: 07-526
పల్లవి:
కలికి చిలుకలకొలికి నీకునేము
చెలులముసంతోసము చేసితివే మాకు
చ.1:
అవ్వలిమోమైనవాని ఆయములు సోఁకనాడి
యివ్వల చేకొంటివిదివో నేర్చు
పవ్వళించి సతులపై పరాకై వుండినవేళ
నవ్వులు నవ్వించితివి నయగారివౌదువే
చ.2:
పంతములాడినవాని పానుపుమీఁదికి నేఁడు
యింతగా రప్పించుకొంటివిదివోనేర్పు
చెంతల నవ్వఁగా నన్నుచేరి జూాజమాడేవేళ
వింతరతికిఁ దీసితి వివరి వొదువే
చ.3:
సన్నలు సేసినవాని చాయఁ బైఁదీసుకొని
యెన్నిక చేకొంటివిదివో నేర్చు
అన్నిటా శ్రీ వెంకటేశుఁడాతఁడు చేకొన్నవేళ
మన్ననల మించితివి మంచిదానవౌదువే
