ఈ పుట అచ్చుదిద్దబడ్డది
రేకు: 0189-1 శంకరాభరణం సంపుటం: 07-525
పల్లవి:
ఆఁటదానఁ గనక నిన్నంటి నేను
గాఁటపు దేవరవింకఁ గరుణించవయ్యా
చ.1:
మనసు దెలియలేక మరి నేఁ దమకించితి
ఘనుఁడవు నీవొళ్ళఁ గడమున్నదా
వెనకటిసుద్దులకు వేవేల వెంగేలాడితి
నినుపునిజమరివి నీకుఁ దప్పులున్నవా
చ.2:
వలపు నాపైనుండఁగ వట్టినేరములెంచితి
చెలువుఁడవు నన్ను రక్షించకుందువా
చలములకే నీతో సారెసారెఁ బెనఁగితి
పలుకుపంతగాఁడవు పాడిదుప్పేవా
చ.3:
చేయి నీవు చాఁచఁగాను చెక్కుగోరు దాఁకించితి
ఆయములు నీవెరఁగనట్టివున్నవా
పాయపు శ్రీ వెంకటేశ పైపైనన్నుఁగూడితివి
దాయగాఁడవు నన్నిట్టే దరిచేర్చవా
