ఈ పుట అచ్చుదిద్దబడ్డది
రేకు: 0188-2 దేసాళం సంపుటం: 07-520
పల్లవి:
ఏమిచెప్పేవిఁక మాతోనెందాఁకను
మామాటలివియపో మరినేమెరఁగము
చ.1:
కూరిమియాఁటదానికి కొసరినంతాఁ జెల్లు
ఆరసి యింకానేమి ఆడేవయ్యా
నేరుపు నీకుఁ గలితే నావాపెకు లోనౌట
యేరీతి మాటాడినా యింకానేమెరఁగము
చ.2:
పాయపువనితకును పచ్చివలపెల్లాఁ జెల్లు
చేయివట్టి యిఁకనేమి చెప్పేవయ్యా
నాయమే నడపితేను నగుతా సమ్మతించుట
మాయపు కతలకెల్ల మరినేమెరఁగము
చ.3:
చక్కనియింతికి మరి సాదించినట్టే చెల్లు
పెక్కుసుద్దులిఁకనేల పెంచేవయ్యా
గక్కన శ్రీ వెంకటేశ కలసితిరిద్దరును
మక్కళించి విన్నపాలు మరినేమెరఁగము
