ఈ పుట అచ్చుదిద్దబడ్డది
రేకు: 0188-11 సామంతం సంపుటం: 07-519
పల్లవి:
ఏమాయనే మీకునేలె చింత
యీమేరవలపులు యిమ్మడికి ముమ్మడి
చ.1:
నగవులే తగవులు నయములే ప్రియములు
జగడాలు మానినట్టి సతులకును
మిగిలి పతియున్నాఁడు మీయిద్దరినడుమను
జగతి మీవలపులు సరియె బేసి
చ.2:
మాటలే మూటలు మంతనాలే పొంతనాలు
కూటములెరిఁగినట్టి కోమలులకు
వాటముగా నిద్దరికి వరుసయిచ్చె విభుఁడు
మోట్టుపెట్టి వలపులు ముదియనాఁగాయను
చ.3:
కనుచూపులే తీపులు కరఁగులే మొరఁగులు
చనవులు గలిగిన సతులకును
యెనసె శ్రీ వెంకటేశుఁడిద్దరిని నొక్కమాటె
ననుపు వలపురెంటినడుము మెరసెను
