ఈ పుట అచ్చుదిద్దబడ్డది
రేకు: 0187-3 నాదరామక్రియ సంపుటం; 07-515
పల్లవి:
నీతలనే వేగెనా నెట్టుకొన్న వలపులు
యేతుల సిగ్గువడకు యింటికాడిబేరము
చ.1:
చేసెనా అంగన నీకు చేసన్నలెల్లాను
వ్రాసెనా చెక్కుల గోరివాతలెల్లాను
మూసుకొనేవేమి నేఁడు మొగవాఁడవిందరిలో
దోసమా నీకందుకేమి తొలుసారిలాబము
చ.2:
నేరిపెనా ఆపెనీకు నిండుకొన్న విద్యలెల్లా
సారపుమోవితీపులు చవిచూపెనా
ఆరసియుఁ గొంకనేల అన్నిటా జాణవు నీకు
భారములేదించుకంతా బండవలము నీకు
చ.3:
కూడించె యాపె నీకు గురుతైన పొంతనాలు
వీడెమిచ్చెనా యిట్టే వెల్లవిరిగా
యీడనే శ్రీ వెంకటేశ యిటు నన్నునేలితివి
ఆడనీడానొక్కవెలే అంగడిలో సరకు