ఈ పుట అచ్చుదిద్దబడ్డది
రేకు: 0186-4 దేసాక్షి సంపుటం: 07-510
పల్లవి:
ఏమిసేసు మరి యెక్కడ చొచ్చును
సామజవరదుని సహజమిదియ పో
చ.1:
ఏకతమాడెను యింతితోనతఁడు
దాకొని యిదేమి తప్పటవే
కైకొనవచ్చినఁ గన్నులఁ జూచెను
యేకడనితనికి యివి నేరములా
చ.2:
నవ్వులు నవ్వెను నలినాక్షితోడ
అవ్వలనిదేమి అన్యాయమా
రవ్వగ మొక్కిన రతిఁ జెయిచాఁచెను
చివ్వన నది సేసినదోసములా
చ.3:
గక్కనఁ గూడెను కలికి దగ్గరిన
వెక్కసమిదేమి వెలితౌనా
యెక్కువ శ్రీ వెంకటేశుఁడు గూడెను
మక్కువ నలమేల్‌మంగనౌదునే
