ఈ పుట అచ్చుదిద్దబడ్డది
రేకు: 0185-4 పాడి. సంపుటం; 07-504
పల్లవి:
సిగ్గులు పడకువయ్య చెక్కుచెయి దీయవయ్యా
నిగ్గుల నవ్వితిమి నీజాడలెరఁగక
చ.1:
వేడుకకాఁడవు నీవు వెలఁదులఁ గంటేను
కూడుకవత్తువుగాని కొట్లాడవు
వోడవేపనికినైనా వోపికగలవాఁడవు
ఆడుకొంటిమిందాఁక నీ ఆయాలెరఁగక
చ.2:
పాయపువాఁడవు నీవు పడఁతులేమి చేసిన
చాయల మెత్తువుగాని చలపోరవు
యీయకొందువేమైనా నింటివాఁడవందరికి
చేయివట్టి తీసితిమి చిత్తమి దెరఁగక
చ.3:
చెల్లుబడివాఁడవు శ్రీ వెంకటేశ యింతుల
పల్లదాలకు లోఁగాని పాయవెన్నఁడు
యిల్లీదె మమ్మేలితివి యిన్నిట దయానిధివి
వల్లెవేసితిమి నీవరుస లెరఁగక
