ఈ పుట అచ్చుదిద్దబడ్డది
రేకు: 0109-1 ముఖారి సంపుటం: 07-049
పల్లవి:
అప్పటినాతనినేమి యనేవు సుమ్మీ
కుప్పలైన వలపుల గుణమిది సుమ్మీ
చ.1:
పాసిన కూటమి చవి భావించు(వించి) లోలో రెప్ప
మూసి యెత్తి చూచినట్టి మోహము చవి
యీసున సాదించేనంటా యింటికి వచ్చుట చవి
వేసరి యాతనినేమి వెంగెములాడకువే
చ.2:
తగవులఁ బెట్టినట్టి తరితీపులు చవి
అగపడకున్నఁ బెట్టియానలు చవి
జగడపువేళల సరియాఁకలు చవి
తగదనాతనినేమి తప్పులెంచవలదే
చ.3:
తెర మాటున నుండే తేటల మాటలు చవి
సురతపు వేళ గోరిసోఁకులు చవి
ఇరవై శ్రీ వేంకటేశుఁడింతలో నిన్నుఁగూడె
తరవాతి పనులెల్లా దక్కె నీకుఁ గదవే