ఈ పుట అచ్చుదిద్దబడ్డది
రేకు: 0183-2 కేదారగౌళ సంపుటం: 07-490
పల్లవి:
చద్దికి వేఁడికి మీరు సరసములాడరాదా
యిద్దరుఁ గూడితిరి మీకిఁకనేల అలుక
చ.1:
మచ్చరపు గొణఁగులు మాఁటలాడినందాఁకానే
అచ్చలము మోము చూచినందాఁకనే
తచ్చనలన్నియు నేకాంతములైనందాఁకానే
యెచ్చుకొందు లేదు మీకు యిఁకనేల అలుక
చ.2:
మునుకొన్నజగడము మొక్కు మొక్కినందాఁకానే
అనుగుమోనము నవ్వినందాఁకానే
పెనఁగులాటలు తమిపెరరేఁచినందాఁకానే
యెనసెఁ జుట్టురికములిఁకనేలె అలుక
చ.3:
నేసవెట్టిన సిగ్గులు చేయి మోఁచినందాఁకానే
ఆసలెల్లాఁ గాఁగిలించినందాఁకానే
వాసితో శ్రీ వెంకటేశ్వర కూడితిరి మీరు
యీసులెల్లాఁ బెడఁబాసెనిఁకనేఁటియలుక