ఈ పుట అచ్చుదిద్దబడ్డది
రేకు: 0182-6 కాంబోది సంపుటం: 07-488
పల్లవి:
వద్దనేమా నేము వలవనిజోలైతే
తిద్దలేము తగవులు దిష్టమైన పనికి
చ.1:
వగలు వెట్టుక నీవు వట్టి కూరిమి గొసరి
యెగసక్కేలాడితే నేనెరఁగఁ గాక
మగువ గుణములెంచి మరి నీ గుణములెంచి
నగుమా వోరిచీ నాపె నాయమైనపనికి
చ.2:
దిమ్ములు రేఁచుక నీవు తెరవలఁ జూపి మోపి
యెమ్మెలెల్లా నెరపితే నెరఁగఁ గాక
నెమ్మదిఁ దగవెరిఁగా నెలఁతయిరవెరిఁగి
రమ్మా కలసీ నాపె రవ్వగాని పనికి
చ.3:
పంతములెల్లానాడి బలిమిఁ గాఁగిటఁ బట్టి
యింత కిందుపడితే నేనెఱఁగఁ గాక
యింతలో శ్రీ వెంకటేశ యెనసితి విటులానే
వంతిమ్మా పెనఁగీ నాపె వసమైన పనికి