ఈ పుట అచ్చుదిద్దబడ్డది
రేకు: 0180-5 కేదారగౌళ సంపుటం: 07-475
పల్లవి:
వట్టియలుకల నీవే వలఁబడితివి గాక
పట్ల పెనఁగఁగా నీతోఁ బదరితినా
చ.1:
అడరి నే వద్దకి రానంటాఁ గోపగించేవు
వొడివట్టి తియ్యఁగా నే నోపనంటినా
పడితిఁ గాఁకలనంటాఁ బలుమారు దూరేవు
కడఁగి కాఁగిలించఁగాఁ గాదంటినా
చ.2:
కతలనే తెల్లవారెఁగా యంటాఁ గినిసేవు
రతిఁబిలువఁగా నే రానంటినా
తతి మోవి తేనెకుఁగా దవ్వులఁబొరలే విట్టే
ఇతవై నీవడుఁగఁగా నియ్యనంటినా
చ.3:
అంచల నేకతమాడనంటాను మొరసీవు
వంచి తెరవేయఁగా నేవద్దంటినా
పొంచి శ్రీ వెంకటేశ యిప్పుడు నన్నుఁబొందితివి
మంచముపై నల్లపుడు మారుకొంటినా