ఈ పుట అచ్చుదిద్దబడ్డది
రేకు: 0180-3 మలహరిసంపుటం: 07-473
పల్లవి:
తిరు మజ్జనపు వేళ దేవునికి నిదివో
పరగ నారదాదులు పాడరో యిందరును
చ.1:
చింతదీర వేంచేసి సింహసనమున నుండి
దంతధావనాది కృత్యములు చేసి
సంతసాననంటరొ సంపెంగ నూనియదెచ్చి
కాంతలు గందపుటటికలి వెట్టురో
చ.2:
పంచామృతముల తోడ పన్నీట మజ్జనమాడె
కాంచనాంబరాలు గట్ట కస్తూరిపూసె
నించుకొనె సొమ్ములెల్లా నిలువు దండలు చాతె
పొంచి దూపదీపతాంబూలములొసఁగరో
చ.3:
పాదుకలు వాహనాలు బహుఛత్రచామరాలు
ఆదరించె శంఖకాహళాదివాద్యాలు
వేదపారాయణలతో వెసఁజూవెఁ గపిలను
గాదెలలెక్కలడిగె గడేరాలు వినెను
చ.4:
అంగరంగవైభవాలకరళుపాడులు వెట్టె
అంగపు నిత దానాదులన్నియుఁజెసె
చెంగటనలమేల్మంగ శ్రీ వెంకటేశుఁడు గూడి
ముంగిటిపారుపత్యములు చేసీని