ఈ పుట అచ్చుదిద్దబడ్డది
రేకు: 0180-2 మాళవిశ్రీ సంపుటం: 07-472
పల్లవి:
చెల్లఁబో నీవెటువంటి చెలివైతివే
కొల్లలుగానతనినే కూడితివిగా
చ.1:
మనసిచ్చి ఆతనితో మాఁటాడవైతివిగా
చనవు సేసుకొని కొసరవైతిగా
పెనఁగి చేతులువట్టి పిలువవైతివిగా
వినయాన భారము పై వేయవైతిగా
చ.2:
తప్పరాని బాసలెల్ల తలఁపించవైతివిగా
అప్పసము నేమొక్కితిననవైతిగా
అప్పుడె ముద్దుటుంగరమటు చూపవైతివిగా
నెప్పుననానలు వెట్టి నెట్టుకొనవైతిగా
చ.3:
నగవులనే వలపు నానఁబెట్టువైతివిగా
చిగిరించ నిచ్చకాలు సేయవైతిగా
తగు శ్రీ వెంకటేశుఁడు తానెవచ్చి నన్నుఁగూడె
నిగిడి నీయంత నీవు నేర్పవైతిగా
