ఈ పుట అచ్చుదిద్దబడ్డది
రేకు: 0179-1 కేదారగౌళ సంపుటం: 07-465
పల్లవి:
అడుగరే యీామాఁట అన్నియు. జెప్పేఁగాని
తడఁబాటు నవ్వులకు తానోపఁగలఁడా
చ.1:
ఇప్పుడు తనవొద్దికి యేల రమ్మనీనే
అప్పటిమాటలే కావా ఆడేవి
నెప్పున మాతోడిపొందు నిజము నిష్టూరమింతే
తప్పులు నేఁబట్టితేను తానోపఁగలఁడా
చ.2:
పీఁట మీఁద నుండి వచ్చి పెనఁగనేఁటికే నాతో
నాఁటి బాసలే కావా నడుపేవి
పాటించ మా విన్నపాలు పట్టినదే పంతమింతే
దాఁటరానినడకకు తానోపఁగలఁడా
చ.3:
ఆస మీరఁ దెరవేసి అంతలోనె నన్నుఁగూడె
చేసిన చేఁతలే కావా చెల్లేది
రాసికెక్క శ్రీ వెంకట రమణుఁడే తాఁగలఁడు
తాసువలె సరిదూఁగ తానోపఁగలఁడా