ఈ పుట అచ్చుదిద్దబడ్డది
రేకు: 0177-6 శంకరాభరణం సంపుటం: 07-458
పల్లవి:
ఇదివో తెలుసుకొమ్మా యీరెంటికి నీవే గురి
పదివేలు విన్నపాలు భావించుకోనీవే
చ.1:
సరవితో నడచితఏ జగడముఁ జవులే
విరసాన నడచితే వెగటౌఁ బొందు
నిరతి నావద్దనుంటే నీవేమన్నా నాకునింపౌ
పరులవొద్దనుంటే నీపలుకే వేసటలు
చ.2:
తగవులు దప్పకుంటే తమవారే యిందరును
యెగసక్యమైతే తనయిల్లే యెరవు
నగుతా నీవూరకుంటే నేనుపులీడేరును
మొగము ముణుచుకొంటే మోవులౌఁ బ్రియములు
చ.3:
కాఁగలించుకొంటేను కపటమంతయుఁ బాసు
ఆఁగుక వూరకుండితే అదియే కాఁక
వీఁగక శ్రీ వెంకటేశ వెస నన్నుఁగూడితివి
మాఁగిన నీనా మనసు మాఁటువే యిన్నియును
