ఈ పుట అచ్చుదిద్దబడ్డది
రేకు: 0175-1 మధ్యమావతి సంపుటం: 07-441
పల్లవి:
ఇద్దర నిద్దరే మోహమేమి చెప్పేది
అద్దుకొని యిదివో పెండ్లాడినది మొదలు
చ.1:
ఒండొరులఁ జూచి యాసనొగి రెప్పలు వేయరు
యెండలేక చెమరించిరిద్దరు నట్టే
దిండుకొని పానుపుపై తెల్లవారుటెరుఁగరు
నిండుకున్నారు రతుల నేరుపులఁ దాము
చ.2:
పచ్చిమోవితేనెలాని పలుమారుఁ దనియరు
లచ్చనై వొకమాఁటే పులకలురేఁగె
హెచ్చుగా నాకు మడిచి యిచ్చే చెలులఁ జూడరు
పెచ్చువెరిగేరు తమ ప్రియములఁ దాము
చ.3:
తమ మేనులపై గోరితాఁకులౌత చూచుకోరు
జమళి నలపులకు జడియరు
అమర శ్రీ వెంకటేశుఁడలమేలుమంగాఁ గూడి
తమకించేరు లోలోతలఁపులఁ దాము