ఈ పుట అచ్చుదిద్దబడ్డది
రేకు: 0174-5 నారాయణి సంపుటం: 07-439
పల్లవి:
వింతవారైతే నిన్ను వెంగెమాడరా
జంతఁ గాఁ గనక నీతో సాదనై వుందాన
చ.1:
మచ్చిక నీతరితీపుమూటలు మరిగికదా
యిచ్చకములాడుకొంటా యిట్లుందాన
వచ్చి వచ్చి నీవలపు వలలకుఁ జిక్కికదా
కుచ్చి నీచేఁతలు మెచ్చుకొంటానుందాన
చ.2:
ననుపైన నీసెలవి నవ్వులాసపడి కాదా
మొనసి సారె సారెకు మొక్కుచుందాన
చొనిపి నీకడగంటిచూపులను జొక్కికదా
పనులు సేయుచు నిన్నుఁ బాయకుందాన
చ.3:
రాపుల నీకాఁగిలిరతులఁ దగిలి కదా
వోపి తములానకు చేయొగ్గుచుందాన
పై పై శ్రీ వెంకటేశ పచ్చిమోవిసోఁకి కదా
తేపలైన రతుల నీదేవినైవుందాన
