ఈ పుట అచ్చుదిద్దబడ్డది
రేకు: 0172-1 శంకరాభరణం సంపుటం: 07-423
పల్లవి:
ఆవధరించఁగదయ్య అన్నిరసములు నీవు
తివురుచునబ్బెనిదె తేనెమోవిరసము
చ.1:
చెలియచక్కఁదనాన శృంగారరసము
వెలయ బొమజంకెనల వీరరసము
కలయు రతికాంక్షలను కరుణారసము
అలరు మైపులకలను అద్భుతరసంబు
చ.2:
తరుణిసరసములను తగుహస్యరసము
పరుషంపువిరహన భయరసంబు
బెరయు నిబ్బరములను బీభత్సరసము
గరిమ మరుయుద్దాన ఘనరౌద్రరసము
చ.3:
వనిత ఆనందముల వడిశాంతరసము
ననుపుమంతనములను నవరసములు
యెనలేని శ్రీ వేంకటేశ నీతోఁ గూడి
దిన దిన వినోదాల తిరమాయ రసము
