ఈ పుట అచ్చుదిద్దబడ్డది
రేకు: 0171-5 నాదరామక్రియ సంపుటం: 07-421
పల్లవి:
ఎదురుబడి కాఁగిళ్ళు యేరులాయ మీవలపు
అదనుఁ బదనుఁగూడి అడుసాయ వలపు
చ.1:
చిక్కని చెమటలను చిప్పీలీని వలపు
చొక్కపుకరఁగులను జొబ్బిలీని వలపు
చక్కని సరసముల జాలువాలీ వలపు
తెక్కుల మచ్చికలచే దిగి వారీ వలపు
చ.2:
జవ్వనముకళల రసములుబ్బీ వలపు
నివ్వటిల్లు కోరికల నీరుకమ్మీ వలపు
రవ్వల తమకముల వువ్విళ్ళూరీ వలపు
చివ్వనఁ దరితీపుల జిడ్డుకట్టీ వలపు
చ.3:
పంతపు రతులనే పాలుగారి వలపు
బంతి మోవులనె కడుఁ బచ్చిదేరీ వలపు
ఇంతలో శ్రీ వెంకటేశ యెనసి మీరుండఁగాను
దొంతరచుట్టిరికానఁ దొప్పఁదోఁగీ వలపు
