ఈ పుట అచ్చుదిద్దబడ్డది
రేకు: 0107-5 హిందోళ వసంతం సంపుటం: 07-041
పల్లవి:
ఏమనేవే యీతగవులిందరూ నెఱఁగరా
కోమలపు మగవాఁడు కొలఁదులెఱుఁగునా
చ.1:
వరుసలంతా సరే వలపే యెక్కుడు గాని
గరిమెల నీవేల కాఁతాళించేవే
పురుషుఁడు నాతఁడే భోగింవే వారి భాగ్యము
మరిగించి కలిసితే మఱి చలివాయదా
చ.2:
సవతులంతా సరే చనవే యెక్కుడు గాని
వివరించుకొనకేలే వేగిరింపులు
కవగూడి (డే?) వాఁడొకఁడే కలసే వారి నేరుపు
చివురు బలిసితేనే చేఁగలై నిలువవా
చ.3:
కళలూనంతా సరే కరఁగేదెక్కుడు గాని
పలువూరు నీవేల పంతమాడేవే
అలమె శ్రీ వేంకటేశుఁడంటిన మావోడఁబాటు
తొలుత మీనవ్వులెల్లా దొతులకునెక్కవా
