ఈ పుట అచ్చుదిద్దబడ్డది
రేకు: 0169-2 దేసాళం సంపుటం; 07-406
పల్లవి:
అంగన చెలువు చూడవయ్యా నివు
సంగడి సింగారాలు సతమై నిలిచెను
చ.1:
వెంటనె చంద్రుఁడు గడు వెన్నెల గాయఁగాను
వొంటిఁ జీఁకటి వెనకకొదిగినట్లు
నంటున నేఁడీచెలియ నవ్వుమోముతోనుండఁగ
అంటి వీఁపునఁ దురుము అందమై నిలిచెను
చ.2:
చెలరేఁగి సింహము చేరి యెక్కితే భారాన
వెలికిఁ గరికుంభాలు వీఁగినయట్లు
మెలుఁత సన్నపు నడిమితోఁ జెలఁగఁగాను
బలిమిఁ బిరుఁదు కిందుపడి తా నిలిచెను
చ.3:
కోవిల వేడుకఁ జవిగొనఁగా లేఁతచిగురు
శ్రీ వెంకటేశ్వర చిల్లులైనట్లు
నీవింతిఁ గూడఁగా నాపె నేరుపుల మాటలతో
వావాత మోవి కెంపులు వరుసలై నిలిచె