ఈ పుట అచ్చుదిద్దబడ్డది
ర్వ్కు: 0168-6 బౌళిరామక్రియ సంపుటం: 07-404
పల్లవి:
ఇందుకే నేఁ జింతించేను యెటువలెనున్నాఁడవో
సందడిపెండ్లిండ్లాయ సరుస నీబతుకు
చ.1
చెంతలనాపే నీపైఁ జెలు చాఁచఁగాను
వంతుకుఁ జెయి చాఁచితినివ్వల నేనుండి
యింతుల మిద్దరమును యిరువంకలానుండఁగా
సంతకూటమాయను చక్కని నీమేను
చ.2:
ఆకడనాకె నీకు నాకుమడిచియ్యఁగాను
యీకడ నేనూ నీకునిచ్చితినిట్టే
కైకొని యిద్దరునూడిగము నీకుఁ జేయఁగాను
కాకువడి కలగూరగంపాయ నీనోరు
చ.3:
గక్కన నాపె నిన్నుఁ గాఁగిటఁ గూడఁగాను
వొక్కటై నేనూనట్టి వొనరఁగాను
యిక్కువ శ్రీ వెంకటేశ యెనసి యిద్దరివల్లా
అక్కర నురిపేకళ్ళమాయను నీవురము
