ఈ పుట అచ్చుదిద్దబడ్డది
రేకు: 0168-5 బలహంస సంపుటం: 07-403
పల్లవి:
కడుఁ జుట్టుమవు నీవు కావంటినా
యెడయక నన్నునిట్ట యేలుమంటిఁ గాక
చ.1:
చెక్కునొక్కి నీవు నాచేయిమీఁదఁ జేయి వేసి
తక్కక నవ్వులు నవ్వఁగాఁ దగదంటినా
వొక్కతెపైఁ బెట్టి మాట వొక్కొక్కటి తడవఁగా
వక్కణించనంతేసి వద్దంటిఁ గాక
చ.2:
ఏపున నావద్లనుండి యింత కలసి మెలసి
కాఁపురముసేయఁగాను కాదంటినా
చూపి మోపి యాడోవారి సొమ్ములు మేనఁబెట్టుక
రాఁఫులుసేయఁగా నందుకోపనంటిఁ గాక
చ.3:
చన్నులురమున రాయ సారెఁ గాఁగలించుకొని
యెన్నిచేఁతలు సేసినానేఁటికంటినా
అన్నిట శ్రీ వేంకటేశ అలమేల్మంగనే నేను
మన్నించి కూడితివిది మాననంటిఁ గాక