ఈ పుట అచ్చుదిద్దబడ్డది
రేకు: 0168-4 సాళంగనాట సంపుటం: 07-402
పల్లవి:
ఇందులోనె వున్నదిదె యింతి తమకములేల
గొందినే కోరికలెల్లా కొమ్ములేకిగిర్చెను
చ.1:
చెలి నీకడకు రాగా చెమటలఁ దొప్పఁదోఁగె
వలపులు వానలేనివరదాయను
ఎలమి నీరాకల కెదురులు చూడఁగాను
వెలయఁగ దీవె లేకే వెలుఁగు గాన్పించెను
చ.2:
వెదకుతానే నిన్నువెలఁది కాఁకలఁ బొందె
యెదుటఁ బొద్దువాడవకెండ గాసెను
ఇదె నీపై యాసలనిట్టె మేను పలకరించె
వెదవెట్టుక ససులు వేవేలు మొలచెను
చ.3:
నీరతికిఁ జేయి చాఁచి నిట్టూర్చుల నిండెఁ జెలి
కోరి యాస గాలిలేక తూరుపెత్తెను
సారె శ్రీ వెంకటేశుఁడ చన్నుల నిన్నునొత్తి
బోరునఁదా జాళెలేని బొమ్మరాలువేసెను