ఈ పుట అచ్చుదిద్దబడ్డది
రేకు: 0166-2 సౌరాష్ట్రం సంపుటం: 07-388
పల్లవి:
పడఁతి చందములు నీభాగ్యమాయను
యెడయకాపెకు నిట్టె యేకచిత్తమాయను
చ.1:
కొలువులోఁ గొప్పువీడి కొమ్మ చక్కఁబెట్టుకోఁగా
వలుద చన్నులు గానవచ్చెనదివో
చెలఁగి రెంటికిఁగాను సిగ్గువడి యెంతలోనే
బలిమి నీ పచ్చడము పైఁగప్పుకొనెను
చ.2:
కాంత మేను చెమరించి కట్టుఁజీర తొప్పఁదోఁగి
వింతగాఁ దొడలకాంతి వెలిఁబడెను
చెంతనేమీననరాక శిరసు వంచుకొని
మంతనాన నీ మలఁగుమాటునఁ గూచుండెను
చ.3:
అలమేల్‌మంగ పులకలంగమున నుబ్బఁగాను
బలిమిఁ గుచ్చల జారి పచ్చిదేరెను
అలరి అందుకు నిందుకౌఁగాదనఁగ రాక
నెలవై శ్రీ వేంకటేశ నిన్నుఁ గాఁగిలించెను
