ఈ పుట అచ్చుదిద్దబడ్డది
రేకు: 0165-2 బౌళిరామక్రియ సంపుటం: 07-382
పల్లవి:
ఆతఁడేమనునో యని అనుమానించఁగనేల
చేతికిఁ గానుకియ్యవే చెప్పీఁ దానె సుద్దులు
చ.1:
వలవనేర్చినవాఁడు వట్టిజాలిఁ బెట్టఁడు
పలుకనేర్చీనవాఁడు బాసదప్పఁడు
కలయనేర్చినవాఁడు గర్వములు చూపఁడు
పిలువవే యతని నాప్రేమ తానె యెరుఁగును
చ.2:
మనసెరిఁగినవాఁడు మరి జవదాఁటఁడు
తనవాఁడైనవాఁడు వింతలు సేయఁడు
ననుపు గలుగువాఁడు నవ్వినానెగ్గుపట్టఁడు
వినయాన దోడితేవే విభుఁడన్నీ నెరుఁగు
చ.3:
ఆసలుగలవాఁడు అట్టె జోలీసేయఁడు
వాసిగలవాఁడు తనవారిఁ బాయఁడు
సేసవెట్టెఁ దానె వచ్చి శ్రీ వేంకటేశుఁడు గూడె
రాసీకెక్కె దినమును రప్పించవే ఆతని