ఈ పుట అచ్చుదిద్దబడ్డది
రేకు: 0163-4 శ్రీరాగం సంపుటం; 07-372
పల్లవి:
వెలఁది సింగారము వింత వింత బాగులాయ
చెలువపు విభుఁడవు చిత్తగించవయ్యా
చ.1:
తేఁటులు పువ్వులుండిన చోటికి వచ్చుఁగాక
తేఁటులలోఁ బువ్వులెట్టు తిరమాయను
గాఁటపు చందురురాక కలువలు గోరుఁగాక
వాఁటమై చంద్రునిలోఁ గల్వలు తావుకొనునా
చ.2:
చివ్వనను సంపెంగ చిగురుపై బూచుఁగాక
పువ్వుకొనఁ జిగురు దాపుగనుండునా
వువ్విళ్ళూరఁ గొండలపై నుండుఁగాక సింహము
కొవ్వు మీరి సింహము కొండలుదామోచునా
చ.3:
అల మరుతేరిపైనంపపోదులుండుఁ గాక
అలరులు పాదులు తేరునఁ గలవా
బలిమి నీలానకు బంగారు గమ్యౌఁగాక
నెలవై శ్రీ వేంకటేశ నీలము గమ్యౌనా