ఈ పుట అచ్చుదిద్దబడ్డది
రేకు: 0162-6 రీతిగౌళ సంపుటం: 07-368
పల్లవి:
ఏల సిగ్గులు వడేవు యిందరిలోన
పాలిండ్లు చూపి నాపె బాఁతిపడివున్నది
చ.1:
దీకొని మోమైనాను దిట్టించి చూడరాదా
నీకు మొక్కినాపె యిట్టి నిలుచున్నది
మైకొని వూరకే మంచిమాటైనానాడరాదా
ఆకుమడిచిచ్చినాపె ఆసపడియున్నది
చ.2:
ఆనుకొని పరిణామమైన నడుగరాదా
కానుకలిచ్చినయాపె కాచుకున్నది
నానఁబెట్టి సెలవుల నవ్వైనా నవ్వఁగరాదా
పూని సన్నసేసినాపె పాలయుచున్నది
చ.3:
కొంగువట్టి రతులకు గురుతు చెప్పఁగరాదా
వుంగరమువట్టినాపె వొద్దనున్నది
చెంగట శ్రీ వెంకటేశ చేరి నన్నుఁ గూడితివి
యింగిత మెరిఁగినాపె యెదుటనే వున్నది
