ఈ పుట అచ్చుదిద్దబడ్డది
రేకు: 0161-6 శంకరాభరణం సంపుటం: 07-362
పల్లవి:
ఆడఁగల మాటగాఁగానాడితిఁగాక
పాడిపంతాలిందులోన పచారించనేఁటికే
చ.1:
మనసునఁ గలితేనే మాటలాడనింపు వుట్ట
చనవులు సతమైతే సంతోసమౌను
పెనఁగఁగఁ జోటిచ్చితే ప్రియములు గడునిండు
ఘనుఁడు తానేమన్నాఁ గాదనేనటవే
చ.2:
ఆసగలిగినచోట అన్నిటాఁ గొసరఁదగు
వేసట లేనిపాందు వెగటుగాదు
వాసితోడిమెలఁకువ వలపు దానె పుట్టించు
సేసవెట్టేఁ దనమాట చెల్లెనని యనవే
చ.3:
పరగ నవ్వు నవ్వితే పనులెల్లాఁ జేకూరు
తరితీపులైతేనే తమిరేఁగును
యిరవై శ్రీవేంకటేశుఁడింతలోనే నన్నునేలె
సరసమెంతాడినాను సమ్మతి నాకనవే
