ఈ పుట అచ్చుదిద్దబడ్డది
రేకు: 0161-1 శ్రీరాగం సంపుటం; 07-357
పల్లవి:
ఏఁటికిఁ బొద్దు గడుపేవిటు మాతోను
చోటిచ్చి యాపెను రతిఁజొక్కించరాదా
చ.1:
చెలిమినీయఁగ నేర్చు చెప్పనేర్చు బుద్దులెల్లా
పిలిపంచి యాపెనొద్దఁ బెట్టుకోరాదా
నిలిచి కొలువుసేసు నీమర్మాలు దానెరుఁగు
చలివాయ మాటలాడి చనవియ్యరాదా
చ.2:
చెనకి నిన్ను నవ్వించు సిగ్గులుదేర్చునాపె
యెనసి వూడిగాలు సేయించుకోరాదా
వినయాలు సేసుఁ గడు వేడుకలు నీకు రేఁచు
వొనరఁ బానుపుపైఁ దోడుండుమనరాదా
చ.3:
మరిగించుకొనునాపె మనసురా మెలఁగును
సిరులఁ జుట్టరికము సేయరాదా
నిరతి శ్రీ వెంకటేశ నేనలమేలుమంగను
సరి నన్నేలితివాపె సమ్మతిసేయరాదా