ఈ పుట అచ్చుదిద్దబడ్డది
రేకు: 0106-4 శంకరాభరణం సంపుటం: 07-034
పల్లవి:
ఇందులోపలఁ దనకు నెందువారమె నేము
అందంబుగానతని నడుగరే చెలులు
చ.1:
తగులు గలిగిన యడల తమకమింతయు నమరు
నగినయడలను మిగుల నటనలమరు
తెగువ గలిగిన యడల తేఁకువలు గడునమరు
మొగమోట గల యెడల మోహంబులమరు
చ.2:
మనసు లెనసిన యెడల మాటలన్నియునమరు
ననుపు గలిగినయడల నయములమరు
చనవు గలిగిన యడల సరసమంతయునమరు
పెనకువలు గల యడల ప్రియములునునమరు
చ.3:
కూడియుండెటియడల గుఱుతులిన్నియునమరు
వాడికలు గలయడల వలపులమరు
యీడనే శ్రీ వేంకటేశుఁడిటు ననుఁ గూడె
వేడుకలు యీయెడల వేవేలునమరు
