ఈ పుట అచ్చుదిద్దబడ్డది
రేకు: 0159-1 మంగళకౌశిక సంపుటం: 07-345
పల్లవి:
మఱచితినంటా నీవు మమ్మెంత బుజ్జగించేవు
యెఱుక గలచోట యెట్టుండినా యేమి
చ.1:
అక్కడే పరాకైతే అట్టే యెచ్చరింతుఁ గాక
దిక్కరించి నిన్ను సాదించేనా నేను
మక్కువ నూరకుండితే మాట నేనాడింతుఁ గాక
చిక్కించుక గొరబులు సేసేనా నిన్నును
చ.2:
పెలుచవై రాకుండితే పిలువనంపుదుఁ గాక
చలమున నీతోను వేసరుకొనేనా
తలవంచుకుండితేను తమకము రేఁతుఁ గాక
తలుపుమాటుకుఁ బోయి తరితీపుసేసేనా
చ.3:
పవళించివుండితేను పాదములొత్తుదుఁ గాక
ఇవల వాసులు వంతులెంచఁ జూచేనా
వివరించి నన్నిట్టె శ్రీ వెంకటేశ కూడితివి
నవమైన నీచేఁతలు నవ్వించవా నన్నును