ఈ పుట అచ్చుదిద్దబడ్డది
రేకు: 0158-5 పాడి సంపుటం; 07-343
పల్లవి:
ఎప్పుడూ మేలువాఁడవే యెరుఁగుదు నిన్నునేను
కప్పి వోరువనియ్యవు కాంక్షలే నన్నును
చ.1:
ఆవేళ నీవురావని అలుగఁదలఁతుఁ గాని
భావించితే నామనసు పట్లులేను
నీవంకఁ దుప్పేమీలేదు నేనెంచి చూచితేను
తావుకొన్న నాలోని తమకమే కాని
చ.2:
చేముట్టిపెనఁగవని చింతఁ దలవంతుఁ గాని
నీమోము చూడక నే మానలేను
కామించి నీగుణాలలో కడమలు మరిలేవు
ప్రేమపు నాకోరికలు పెనగోనీఁ గాని
చ.3:
పరఁగఁగ బరపుపై పంతాననుండుదుఁ గాని
సరిఁ గాఁగాటికి చేయి చాఁచకుండలేను
అరిది శ్రీ వెంకటేశ అలమేల్మంగ నేను
గరిమెనేలితివేలొ కాఁతాళింతుఁ గాని