ఈ పుట అచ్చుదిద్దబడ్డది
రేకు: 0158-4 రామక్రియ సంపుటం: 07-342
పల్లవి:
నీవోజ నేనెరఁగనా నెపాలేల చెప్పేవు
వేవేలకు నాకు వింతవాఁడవా
చ.1:
ఎప్పుడు నామోహమోరఁగవా నీకక్కడ
కప్పి యెంతపని నీకుఁ గల్లెనోకాక
నెప్పున మాయింటికి నీవు రానివాఁడవా
అప్పటి నేచుట్టాలు మాటాడుతా నీకుండిరో
చ.2:
మలసి నన్ను నీవు మరచేటివాఁడవా
చెలులెవ్వరు పరాకుసేసిరోకాక
తలఁపు నామీఁద నీకుఁ దగిలివున్నదే కాదా
సాలసేవారిమొగాలు చూడనందుండితివో
చ.3:
వరుస నన్నుఁజేపట్టి వదలుదువా నీవు
యిరనై నీచిత్తాననేమెంచేవో కాక
నిరతి శ్రీ వేంకటేశ నేనలమేర్ మంగను
కరుణించితి విప్పుడు గలయ వేళాయనో