ఈ పుట అచ్చుదిద్దబడ్డది
రేకు: 0157-5 సామంతం సంపుటం: 07-337
పల్లవి:
ఏమని పాగడుదుమె యీవెలిచక్కఁదనము
యీమేఁటి యలమేల్మంగ యెక్కువైతానిలిచె
చ.1:
అరచంద్రుఁడుఁ జకోరాలద్దాలు సంపెఁగయు
ధర శింగిణులు శ్రీలు తలిరులును
అరుదుగాఁ దుమ్మిదలుసందముగాఁ గూడఁగాను
మరుతల్లి యలమేలుమంగమోమై నిలిచె
చ.2:
బిసములు శంఖమును పెనుఁజక్రవాకములా
కసము నీలపుఁజేరు కరికుంభాలు
పాసఁగ నివెల్లానాకపోఁడియై నిలువఁగాను
మసలక అలమేలుమంగమేనై నిలిచె
చ.3:
అనఁటులంపపాదులు నబ్దములు ముత్తేలు
వొనరి వరుసఁ గూడి వుండఁగాను
ఘనుఁడైన శ్రీ వెంకటేశునురముమీఁద
పనుపడలమేల్మంగ పాదములై నిలిచె
