ఈ పుట అచ్చుదిద్దబడ్డది
రేకు: 0156-6 శంకరాభరణం సంపుటం: 07-332
పల్లవి:
పోపో అదేఁటిమాట పొద్దువోదా
మాపుదాఁకా నదే కాక మరియేఁటిమాటలే
చ.1:
గుత్తులపూవులు నీవు కోవయ్య కానికె ఆ
గుత్తులేల నీచనుగుత్తులీరాదా
జొత్తులైన లతలవే చూడవయ్య మాటలేల
హత్తి నీబాహులతలు అవె కంటినే
చ.2:
పండుబలమిదివో పట్టువయ్య సూడిదె
పండులేల నీమోవిపండె కాక
మెండగుఁ దామరలు మీఁదవేసేఁ జుమ్మీ
దండి నీచేతులె రెండుతామరలు గావా
చ.3:
కప్పురమిచ్చే నీకుఁ గైకోవయ్యా ఆ
కప్పురాలు నీనోరికతలెకావా
యిప్పుడె శ్రీ వెంకటేశ యిటుగూడితి నేఁ
డిప్పుడా అల్లప్పుడెపో యెరఁగవు గాని
