ఈ పుట అచ్చుదిద్దబడ్డది
రేకు: 0156-4 బౌళి సంపుటం: 07-330
పల్లవి:
ఇందాఁక నెరఁగము యీవింత సతి
కందు వాసె శ్రీకాంతావిభుఁడ
చ.1:
సుదతికి నీరాక సూర్యోదయమై
వదనకమలమిటు వడిఁ జెలఁగె
పాదలిన నీనవ్వుపున్నమవెన్నెలకు
కదిసి చకోరపుకన్నులు దెలిసె
చ.2:
వనితకు నీచూపు వసంతకాలమై
వెనకఁ బలుకుఁగోవిలలొదరె
మినుకు నీతనువుమేఘకాంతులకు
పనివడి పులకలపైరులు దేరె
చ.3:
సతికి నీపాందులె జలధిమథనమై
రతినధరామృతరస మబ్బె
ఇతవై శ్రీ వెంకటేశ నీవు చెలిఁ
దతిఁ గూడఁగ మరుతంత్రము గెలిచె