ఈ పుట అచ్చుదిద్దబడ్డది
రేకు: 0155-6 శంకరాభరణం సంపుటం: 07-326
పల్లవి:
ఎంతజాణ నీచెలియనేమని పాగడవచ్చు
దొంతులమాఁటలలోనే దోమటి దొడికెను
చ.1:
మెట్టిన చమ్మాళిగలు మించఁ బారితెంచి నిన్ను
పట్టితీసి మొలనూలు పైపై చెలి
అట్టి కోపాన నీవు ఆఁపలేక పెనఁగఁగ
తిట్టేన నీమోవి గంటి తెగి సేసెనప్పుడే
చ.2:
వంచిన పయ్యదకొంగు వల్లెవాటు వేసుకొని
కొంచక నీమొగమై కొనగోరను
ఇంచుకంత నీవందుకు యియ్యకొనకుండఁగాను
ముంచి నిన్నుఁ దనచను మొనలనాఁగీని
చ.3:
వాకునిండా కస్తూరివాసనలు చల్లి చల్లి
యేకతమాడి చెలి యిప్పుడే నీతోను
యీకడ శ్రీ వేంకటేశ యియ్యకొని కూడఁగాను
లోకము మెచ్చేటి నిన్ను లోను కొనెను