ఈ పుట అచ్చుదిద్దబడ్డది
రేకు: 0155-4 దేసాళం సంపుటం: 07-324
పల్లవి:
ఏల వెరచేవే నీవు యిదివో నీపతివచ్చె
జాలివాయ నిన్నుఁగూడిసంతసమిచ్చీని
చ.1:
నీరధిలోఁ బుట్టివట్టి నీరుచిచ్చైన పూవు
నూరిపోసినట్టి పామునోరిలో కడి
మారుతో నగ్నిఁబడిన మాకులలో భూతము
యీరీతి విరహులకెగ్గు సేయకుందురా
చ.2:
తల్లిదండ్రి వెంచనట్టి తగుఁబలుగాకి చూర
చల్లుఁ బుప్పాడి దొంగిలిన జాజరకాఁడు
మల్లాడి చెట్లమీఁద మధువువట్టిన పాత
వెళ్లిగా మంచిగుణాలు వీనికింక వచ్చునా
చ.3:
వంగి వంచనేర్చిన వడిఁదియ్యని గుణము
ముంగిట నిందరి చిత్తముల వెలుపు
ఇంగితాన శ్రీ వేంకటేశు నిన్నుఁ గూడఁజేసి
రంగన నీపాలింటికి అందరను హితులే