ఈ పుట అచ్చుదిద్దబడ్డది
రేకు: 0155-3 మధ్యమావతి సంపుటం: 07-323
పల్లవి:
వెలఁది చక్కఁదనము వేరొకటి గాదు సుండి
చెలులార చూడరమ్మ చెప్పరాదు వింతలు
చ.1:
చెందమ్మిరేకులలోనఁ జేరి తుమ్మిదలు వాలె
కందువఁ జెలికినవే కన్నులాయను
చందమై వొకతీగెపై జక్కవపిట్టలు వాలె
గొందినవే యెంచిచూడఁ గుచములాయను
చ.2:
నిండుఁజందురునిమీఁద నీలముల గని వుట్టే
కొండవంటి చెలికవే కురులాయరు
పండుటరఁటులమీఁద బలుసింహమదె యెక్కె
మెండగు నెన్నడుమై మించెనిదె యిప్పుడే
చ.3:
పచ్చని చిగురుమీఁద పగడపుఁబండు వండె
అచ్చపుఁ జెలియకదె అధరమాయ
ఇచ్చకుఁడై శ్రీవేంకటేశుఁడింతలోఁ గూడె
నిచ్చకల్యాణములై నిలిచె నిన్నిటను