ఈ పుట అచ్చుదిద్దబడ్డది
రేకు: 0155-1 హిందోళవసంతం సంపుటం: 07-321
పల్లవి:
ఒకటి గలిగినచోట నొకటి లేదు
వికటంపుటలుకేలె విభుఁడెదుట వీఁడె
చ.1:
ఉవిద నీమోము చంద్రోదయంబై యుండి
నివురు నీ నవ్వువెన్నెల గాయదు
చివురుమోవి వసంతసిరి దొలఁకి యుండియును
యివలఁ గోవిలేల యెలుఁగియ్యవే
చ.2:
వనిత నీ నిండుజవ్వనవనము గలిగియును
మినుకు నడపులకరులు మెదలవేలే
ఘనమైన చన్నుజక్కవలు మితిమీరఁగా
చెనసి నివ్వెరగుమతి చీఁకటిఁకనేలే
చ.3:
మెలుఁత నీ నెరిఁదురుము మేఘంబు గలిగియును
తొలఁకు మెరుఁగులకళలు దోఁచవేలే
ఎలమితో శ్రీవేంకటేశుఁడింతటఁ గూడె
కలదెల్ల గర్వమై ఘటియించనేలే