ఈ పుట అచ్చుదిద్దబడ్డది
రేకు: 0154-5 రామక్రియ సంపుటం: 07-319
పల్లవి:
చిత్తగించి యేఁటికో విచ్చేసితి గాక
హత్తి నన్ను బుజ్జగించేవన్నిటా జాణవయ్యా
చ.1:
సరసమాడఁగ నీకు సతి శూర్పనఖ గద్దు
పారిఁ జన్నిచ్చి పెంచఁగఁ బూతకి గద్దు
పారసి కామించి నిన్ను భోగించఁ గుబ్జ గద్దు
తిరిగి మాయింటికి రాఁదీరునటవయ్యా
చ.2:
అంది నీకుఁ గావఁబో నావులమంద గలదు
కుంది వయ్యాళికి రాతిగుఱము గద్దు
అందపుబోయిఁడవుగా నర్దునుని బండి గద్దు
దిందుపడి యీడకు రాఁదీరునటవయ్యా
చ.3:
సారెఁ బవళించఁ బాలజలనిథి నీకుఁ గద్దు
పోరచి దానమడుగ భూమి గద్దు
చేరి నిక్కిచూడ శ్రీవేంకటాద్రి గద్దు
తేరి నన్నుఁ గూడితివి తీరునటయ్యా
