ఈ పుట అచ్చుదిద్దబడ్డది
రేకు: 0154-3 ముఖారి సంపుటం: 07-317
పల్లవి:
ఎటువంటి తమకమో యెదుటనల్లదె చూడు
యిటు నీచిత్తముకొలఁదిఁకనేమి యంపునో
చ.1:
కాంత నిన్నుఁబిలువ నీకడకు నన్నంపి యట్టే
కాంతుఁడ నీపేర లేకలూనంపె
దొంతిగా నావెంటనె తొంగలిచూపులునంపె
యింతట విచ్చేయకున్న యిఁకయేమి యంపునో
చ.2:
కామిని నాచేత నీకుఁ గానికంపె తోడనే
మైమరచి యీడకుఁ దా మనసూనంప
కోమలపుమాఁటల కోవిలయెలుగులంపె
యేమిట విచ్చేయకున్న నింకనేమి యంపునో
చ.3:
ఉంగరమానవాలంపె వువిద వాయువేగాన
అంగపు నిట్టుర్సుగాలి అదివో అంపె
తంగక శ్రీ వెంకటేశ తన నడపులు నంపె
యింగితాన నిదెకూడె యింకనేమి యంపునో