ఈ పుట అచ్చుదిద్దబడ్డది
రేకు: 0154-2 ముఖారి సంపుటం: 07-316
పల్లవి:
అలుగుత లేదు సుమ్మీ అప్పుడు నీతో
యెలమి నోరమణుఁడ యేమనివుండితివో
చ.1:
ఎదుట నీవుండఁగాను యేఁపే మరుఁడొ యంటా
అదివో గుండెబెదరి అవ్వలిమోమైతి
కదిసి చేయివేయఁగాఁ గమ్మచిగురుటమ్మంటా
నుదిరిపడి వెరచి వుస్సురంటిని
చ.2:
మలసి చూడఁగఁ జల్లె మంతపువెన్నెలలంటా
తొలఁగి పయ్యద నామైఁ దుడుచుకొంటి
పలికి మాటాడఁగాను పంపుడుఁ జిలుకలంటా
నిలువున వెరగంది తలవంచుకొంటివి
చ.3:
కాఁగిట నీవు గూడఁగాఁ గలలోని భ్రమతలంటా
కాఁగిన కుచములతోఁ గన్నుమూసితి
సోగల నీకొనగోరి సోఁకులనిన్నీఁ దెలిసి
బాగుల శ్రీ వెంకటేశ పైకొంటివి