ఈ పుట అచ్చుదిద్దబడ్డది
రేకు: 0153-5 నాదరామక్రియ సంపుటం; 07-313
పల్లవి:
కాంతయైతే నీకుఁ జేసీ కమలముపైఁ దపము
వంతుల రమణుఁడవు వరమియ్యవయ్యా
చ.1:
కూటువ నీయింతికనుఁగొనలఁ బోలుదుమని
నీటనే తపము సేసీ నీరజములు
చాటి కొమ్మతురుముతో సరివచ్చేమని మింట
మీటుఁదపములు సేసీ మేఘములు
చ.2:
మెండగు చెలినడుము మించేమనుచు నేఁడు
కొండలఁ దపాలు సేసీ కోరి సింహలు
అండ నీసతిచన్నుల అందములకు వనాల
చండిఁ దపములు సేసీఁ జక్రవాకాలు
చ.3:
యీవనితపాదముల యీడుకుఁగా చిగురులు
దావతిఁ దపాలు సేసీ తరువులపై
శ్రీవేంకటేశ నీవు చెలినిట్టే కూడుమని
భావజుఁడు తపియించీఁ బంచాన్నినడుమ
