ఈ పుట అచ్చుదిద్దబడ్డది
రేకు: 0150-5 బౌళిరామక్రియ సంపుటం: 07-295
పల్లవి:
ఏమనఁ గలదే యిందుకును
ఆమనినాఁడే అదవధలాయ
చ.1:
తరచగు తురుమున దాకొనె మేఘము
మెరుఁగుల కన్నుల మెరిచె నిదే
వరదల చెమటల వానలు గురిసెను
తెరవకు దప్పులు దీరకపోయ
చ.2:
పాలుపగు తనువునఁ బులకలు మొలచెను
నులిఁ గోరికలెన్నులు వెడలె
బలిమిఁ గుచంబులఁ బాలు గొనియెనిదె
తలిరుఁబోఁడి మతిఁ దనియకపోయ
చ.3:
కాంతను శ్రీ వేంకటపతి గూడఁగ
బంతిరతుల వైభవమలరె
అంతట నరగొరలన్నియు దీరెను
దొంతిమదములకుఁ దుదలేదాయ
